♥01.11.09♥

琴晚放補習....餓餓地買左杯o係車度飲~
炭燒珍珠奶茶走甜....great=]

星期3同岩岩o係aus返黎既vanessa去左apm行街!
我份生日禮物果然冇揀錯!haha
你送比我條鏈都好靚=3=

同日行街...買左個日本靚靚銀包!
勁glam=]好中意=3=
仲要係我最中意既紅色...kakakaka
雖然有黑色,不過都係紅色靚d=3=

完全唔明點解影相出黎,
真係好瘦.......>0<
真人都係咁瘦就好喇.....

♥happy halloween♥

本身仲有批係朝早完成架...
不過唔記得影相!
有成功左既choco tart架...
當然比左班主任-小強sir喇:p
之後...同學仔都食得好sweet=]
雖然自己唔食得....
但係睇見人地食得咁sweet,真係好開心架!
其實可能就係因為自己得唔到呢份開心,
所以希望大家可以食得開心=]
初中我都好似係買現成既野返去派:p
呢幾年就開始整choco....
整野食又開心,乳佢地咁既樣...仲開心丫=3=
都收到唔少糖同choco...
其實friend底既...都已經自動reject左=]
其他因為我既choco...都唔比我唔收!kaka
勁有滿足感同成功感=]

♥久違了的blog♥

近日都被大大小小的事情淹沒了...
大學的聯招,,,學校的報告s,功課s+測驗s...
排住隊....忙到向周公朝拜既時間...都少左好多!
周公都向我投訴咁濟喇.....>0< 所以開學到依家,打blog既時間都好間斷! 打打下....一係就要出去補習,一係就要博殺做野! 儲左好多草稿都冇時間打返... 岩岩又比我洗左幾篇舊野.... 遲幾日應該會得閒d....到時再post下我近日所發生既事喇~
呢本書係o係ust既bookshop發現當然都即刻影返張相喇:p

♥20.09.09♥

原來我好耐冇打blog喇...
開左學之後...
真係忙左好多!
有史以黎第1次淨係因為''功課'',
而2點幾先有得訓~
每個星期,最少都會有一份測驗!
其實.....o係功課咁忙既時間,
仲有咁多測驗....老師們`你地有冇諗過,
我地溫唔溫得切呢??
講真丫....到左中7!
好應該比少d功課!
比返多d時間我地去溫書...去做題目!
[功課係比機會你地溫書,應用]???
其實...每個人有唔同既讀書進度!
如果去到呢個時間都仲要用功課黎逼,先去溫書..
你覺得有用咩???
d功課量又多....又唔貼近a-level題目!
我覺得...真係好浪費時間!
尤其係....一d唔用心改功課既老師!
不過呢d野....我始終冇資格去講d咩!
唯有死頂吧....:(
*****************************************************
♥19-09-09♥
今日去左科大啵...
星期6都晨咁早起身了!
落車後被老點:(遲到了~
不過竟然唔係最遲o個個=0=
好多人-0-
個海景view好正!!!!!!
個canteen都幾靚...
不過野食算貴!但係由於冇位坐,放棄了
annie:搵人用美色去搵位喇...好肚餓丫!
louie:叫c+啦...
annie:要跌膊咁樣架喎....(笑)
louie:岩哂啦...c+隻衫跌膊既!
哈哈.....笑死!
入到去...其實d staff已經好熱情咁講解~
d souvenirs同埋catalog+磁貼...永不落空=]
好似集郵咁...哈~
最中意係biology group既textpaper...
靚到好似信紙咁=3=
engineering既file都好型=]
估唔到,,,我拎到[計數機mousepad]
一行5人...得我同cherry有=]
太幸運喇!cherry...你陪我去問野係岩架:)
聽左talk...行左booth咁....
唔係預計中咁多野行~
之後出返mk...同cherry食吉野家=]
之後行左muji..fcuk..等等....
去左columbia買左個水樽比黎sir做生日禮物=]好型!
閃人時間為2點多d,,,
由於好攰了....所以返左屋企先!
hea左一陣....再出返去mk補習!!!
9點幾先返到屋企食飯=0=餓死!
好攰丫好攰丫....行左成日!

♥牛角尖已鑽完...謝謝你們♥

開學初...
因為自己的,老師的功課的還有家人的壓力~
令自己感到十分無助!
加上孖公仔的離開,
令孤獨感大增...
日子一天比一天難捱了~
雖然我不至於討厭得被同學們排斥~
大家也頗樂意我的加入與大家一起食飯的~
這一點想想,也是值得開心的:)
只是這3年來,大家都一直有著獨立的朋友圈子...
我就好像沒有容身之處似的~
不過....與SIS分享後~
不再鑽牛角尖了:)
友情是需要時間的!
或許大家了解過後,也可成為好友呢?
每次與你暢談一番,
也覺RELAXED!謝謝你...
還有一眾的PLURK友及MSN中曾SUPPORT我的朋友!
謝謝你們的每一句支持的說話~
那些都是我的原動力!
THANKS SO MUCH!=3=

♥06.09.09♥

開左學差唔多都有一個星期喇...
仲係有d唔適應要fully concenteate咁多個鐘!
不停有野要識,有野要記,有野要寫~
訓既時間...其實冇乜大分別!
只係早左訓又早左起身!
冇乜話訓多左訓少左咁~
所以精神比放暑消耗得快左~
好快就會眼訓同覺得好攰!
希望可以快d習慣喇...我唔想要黑眼圈丫=0=
開課既頭兩日!
老師都係比返過去呢屆既a-level成績比我地參考!
其實...已經好大壓力了!
90個中7生,只得21個讀degree....
我有機會成為一分子嗎?
相信我地呢屆,比上屆更少人!
可以keep返會考既成績個grade,已經算好好了...
我做得到嗎???
真係兩科al,都可以keep到嗎?
語文科...有進步的可能嗎?
大學.....好像仍離我有d遠!
呢5個月入面...可以拉返近d???
我真係好擔心!
依家做到既...只係努力同努力~
點都好.....
都唔可以比自己後悔了!
人生最後一個公開試了....
要加油丫=]

♥05.09.09♥

可愛既課室= =
琴日終於裝左projector同埋screen
唔洗floating class了=]
開心開心:)
星期5既早會仲可以o係hall坐=]
星期1先要出操場曬...
高皓正黎做見証分享,,,
做開MC工作既佢,講野真係麻麻咋喎...
不停搞D唔識笑既爛GAG,又打唔到圓場!
好多DEADAIR0_0
出過碟既佢...最後唱左首RAP歌-0-真係呆哂!
相信佢冇乜資格做歌手喎....
身為娛樂圈人仕...D衣著真係....
仲有好大進步空間!
不過形象算係幾健康咁喇~

估唔到著上身咁短~
搞到要加返條TIGHT JEANS=]
不過都幾好睇~
自己幾中意=]
朝早就係試呢條裙去整回鄉証了:)
都好快手!
因為朝早拎左籌同埋FORM返黎填!
準時去到影埋相...
佢都係吸下印,叫你簽名...收錢等等...
就走得了!22.09.09有得拎!
返屋企CHECK下好易通今日既辦公時間後...
就約埋媽咪出去了!
沖個涼換左個MK LOOK出去...HEHE

雖然有少少MK...HEHE
不過好SUMMER FEEL=]
今日出去左TST整好易通!
MON個面係冇事的~
不過開機後...見到入面裂開左!
要整返個LCD MON...要成$850-0-
真係貴......唉!
不過又冇理由買過部!始終仲好新淨~
唯有比錢整LU~兩個星期後有~

♥開學日♥

開學日,本應開開心心!
點知,望入課室已經呆左...
比平日既課室細起碼一半!
平日課室都有30人!
依家縮到得返咁細既空間...
學生仍然有24個-0-
佢有冇諗過我地真係行步路都難?
由於呢間房,本身係雜物房...
並唔係課室~所以並冇任何設施!
只係得一部冇乜風出既中央冷氣-0-
冇風扇啦,冇鮮風機啦,教學既野更加冇-0-
什麼projector同screen都冇....
完全焗到透唔到氣...
d同學仔同老師,都好似黎動物園咁,參觀一下0_0
因為實在太神奇喇...
個主任仲要教到個冷氣25度之後拎走個remote-0-
其實唔需要囉...我地真係會死囉-0-
除左痴線...我搵唔到字形容呢間學校,同埋d老師!
好彩小強老師搵到兩把大風扇比我地...
都係小強對我地最好-3-
不過佢話要爭取下比我地長期放o係度..
心諗[[下?放兩把風扇仲嘈?一係裝冷氣比我地囉...]]
[[咁都嘈....真係叫mami投訴!痴線]]
真係好嬲....佢有冇當我地係學生?
我地點上堂丫咁樣....
d時間表又可愛...
呢頭o係地下[自己班房]上完堂,
轉個頭就上頂樓上堂....
小息放返我地落黎之後...
又上返上面上堂...
班房已經夠熱...仲要走上走落!
人都癲-0-唉.........
真係好開心!

♥31.08.09♥

最後一日暑假了....
呢個假期真係眨下眼就過左~
冇乜點玩過,冇乜點享受過....
就完左LU~

聽日就要返學了....
真係好擔心!
中7生...唉~
由於好姊妹唔會再同我一齊讀書...
開學前既今日!我地約左出黎~
1.拎返我本BIO書
2.幫佢拎返本圖書返學校還
3.行下街傾下計
買左兩條裙....好靚-3-
不過瘦D會好睇D:(
另外買左3個扎頭:)
一個黑色玫瑰花係FOR返學既..
因為返學只可以用純黑/純白/純藍
另外就買左兩個細D既玫瑰花...
一個粉紅,一個紅色!
FOR出街用既:)

*****************************************************
另外我會改返任何人都可以留COMMENT=]
CK仔你得閒都要留下COMMENT比我喎:)

♥30.08.09♥

好開心丫...
今日終於去左整頭髮~
第1次電左curly hair...
比想像中好睇同埋襯自己!
媽咪都以為電完,會成熟左~
點知....佢話我細個左!
嘻嘻~真係好滿意~

呢張好暗,唔係好清楚!
有機會影清楚d丫:)
整左4個鐘咁濟....
搞掂即閃...去左食上壽司again!
不過餓得濟冇影相lu~
then去左黃埔陪媽咪睇鞋...買比人地個女~
又比我睇岩左對鞋...嘻!
自己都多左對戰利品-3-

雖然個髮型好滿意,
不過....我竟然唔記得,自己返學要扎起個頭~
扎起左....真係柒到冇朋友-0-
點算?????????呀呀呀!!!!!!
真係唔知點搞~
聽日就要面對....今晚真係要諗諗佢~

♥lovely27.08.09♥

今日約左舊同事去睇戲同食晏...
幾好~就我食晏.....唔洗我出夜街=]
去睇左機噐俠!都唔係咁差姐我覺得~
有d位都幾好笑:p
方力申好靚仔-3-
睇完就去食晏....
兩個人都唔知食乜!
行左去朗豪坊都係冇野想食!
佢就話去食沙嗲王~
點知我行錯路:p
最後去左食紅螞蟻....hehe
杯奶茶好難飲-0-
由於佢請左我睇戲...咁岩佢o係我地食完飯,
去左toilet既時候,,,,我嗌左埋單=]
佢返到黎仲傻更更嗌埋單!哈哈
我:走得架啦
佢:咁埋單啦!{轉身叫[埋單丫]}
我:埋左喇!個waiter都話:埋左喇喎先生~
佢:頂你丫
我:-0-唔好用粗口同我講野0_0我用杯奶茶淋你架!
佢:邊係粗口....sorry囉~
之後行返去旺中o個頭~
大家都唔係好知想去邊....
佢:你msn咪話想去唱k既?不如就陪去唱k喇?
我:好丫好丫=]
佢:你睇我幾好丫...滿足你既願望!
我:哈哈...洗唔洗頒個獎你多謝你先~
兩個好似大細路咁...又串咀,又大笑=]
不過....同男仔唱k!多數都係得一個後果-0-
就係開個人演唱會喇-___-'''
佢有點歌架...不過一係唔唱飛歌,一係就唱幾句-0-
合唱歌都會唱下既.....
真係唱到冇命!!!哈哈
不過開學前,有得癲返日!都真係好開心~
唱到5點幾就返屋企lu~
今日真係好開心=]

♥終於甩難♥

等左80日有多...
終於唔洗再等,唔洗再擔心喇!
下個星期亦可以唔洗再睇醫生~ [即係今個星期]
不過遲左咁耐,
比平日辛苦10倍!
尤其係夏天....熱死辣辣~
要我忍口唔飲凍野真係好辛苦~
真係莫講話飲暖野~
假日或者夜晚就會好D~
開住冷氣既話,其實我都會沖茶飲既:)
呢幾日終於冇咁辛苦=]
到多左出街hea下~
琴日[星期3]仲自己出旺角買左好多戰利品!
買左3件衫,2條裙同埋2件外套=]
好開心好開心~
買到岩心水既野,真係好開心=]
咩痛都唔記得哂!嘻嘻....
女人病...其實仲要醫埋購物欲架..嘻=]

♥20.08.09被甩底了♥

開初傾計...傾到我平時落公園都會睇波...
都中意睇下籃球,睇下足球咁~
咁佢就叫埋我20.08.09去睇佢地打籃球!
其實約左星期四7點o係九龍灣地鐵站等....
6點半左右已經到左,咁就行左陣商場,
去左7-11買左枝水同埋買gum o趙下=]
等到7點過d都好似唔見人~
其實已經叫左佢地到左打比我~
咁可能佢地遲左收工...所以遲d啦~
之後send左個sms同佢地講話我到左!
同佢地講左我大約企o係邊同埋著咩衫...
之後都收唔到佢地既sms....
7點3定7點4左右,見唔係好對路,
打左個電話比佢....
我:喂喂,你地o係邊?
佢:下?我地行左啦喎....你話你o係櫃員機但我都唔見你...
所以我地行緊去喇,你識唔識自己去丫?
[[[其實我想講唔識都冇用喇?]]]]
我:um......
之後佢比左d direction我就收左線叫我搵下-0-
好開心.....熱辣辣唔識路-0-好似個傻婆咁!
周街問人o係邊...哈哈!好狼狽!
街燈又暗-0-認唔到路!!!
o係門口望入去....4個藍球架下面都有人,場邊既chair又係人...
都唔知邊堆先係...
打電話又唔聽......
唯有打比朋友解下悶~
好彩您陪我傾--3--
行左陣公園散下步,之後見有邊chair冇乜人,
就入去坐,睇人打波-3-好pro,,,,,,,,
兩個幾鐘之後,打比屋企人~
終於有門口入,即閃!!!!!!!!!
不過一出公園門口,諗住行返原路返德福o個邊搭車...
點知太黑唔認得路!!
如果你唔係陪住我傾住電話,一定嚇鬼死~
條街又得我一個0_0又黑~
自己又唔知自己行左去邊.....
多得你幫手-3-搭了107回家~
講對唔住真係冇用...
[我估唔到你真係會黎]下?講左黎就黎架啦...係咪丫?
[因為佢地話你唔會出現,所以先走先]呢個真係原因?
我都話左我到左....就算真係唔見我,走之前都好應該打個電話比我啦其實!
而唔係由得我o係度等囉-0-
原來我o係大家眼中...係一個咁既人-0-
okay啦........the end!

♥辛苦♥

這個暑假....的確不好過~
學校的補課+做不完的功課!
溫不完的書,一大堆做不完的project!
備不完的課.....還有書架上一大堆pastpaper-0-
額外的補習的確令我喘不過氣來...
但想想,誰叫我不讀好一點?
怨....也好像沒有用了!
單單是這一大堆學業上的事業.
已足以令我皮質醇偏高了!!!!!
討厭在,我是女的!
28的一次的事情.....7x天也不來一次-0-
初初的一個月還沒有什麼大感覺...
但...後來慢慢谷m了-0-
近日更不停有噁心的感覺...
周身痛.....係唔落野.....訓得唔好......
搞到個人成日都好攰,做咩都冇心機!
個人又炆.....唉!
但係日日都有一大堆野等住我去做-0-
咩事丫??????????好煩!!!!!
請停止一切無謂的批評!
好多野....你地真係唔知....
唔好亂up廿四~我已經夠煩喇~
唔安慰我....都唔好再煩我好冇?
我都唔想咁炆咁燥架囉其實>....<

♥古老的現代人♥

模特兒....一直都是我仰慕的一群女性=]
高佻的身材,瘦削而優美的線條...真令人羨慕!
但...看看現時在電影,報章上的[o靚模]?
用模特兒....是侮辱了這個行業吧~
初中的課程都未完成,便在螢幕上賣弄性感...
以前的模特兒...一直都是平胸為主的~
不是平板也不是[o靚模]的D甚至E CUP吧?
出寫真..拍幾張硬照...就代表是模特兒了嗎?
我還真是接受不了~
想起她們被色迷迷的龍友們圍著拍照..頭也暈了!
即使在旺角見短裙少女拿著相機被一群男人拍照..
也覺得有點噁心呢...
我.....應該說不上是年青人吧!
生活於物質世界...
但時代變了
我，
像活於過去的人,
接受不了現在，
也沒信心走向未來~
世界，
太險惡，
人，
為了適應這世界，
變得更奸詐...
人會說一萬個謊掩飾自己犯的錯,
但其實...
做錯了再說謊掩飾，
只是錯上加錯.
不是嗎?
瞞得過別人，
瞞得過自己的良心嗎?
可能，
現在的人已失去良心了…
人性本善?
孔子把人想得太簡單吧…
善良的人，
總是被欺騙的一群.....
傷心的，
從來只得善良的人…
善良，
是褒還是貶呢?
人善被人欺…
哈…
老實人，
可以再往那裡找?
活在現在的人，
也真夠辛苦…
每天防著別人，
甚至防著自己…
當有一天，
所有謊言也失去效力，
那會是什麼樣的畫面…
我，
是活於現代的古代人，
出生錯了時代…
我想躲開...
可以一切也不理嗎?

♥park♥

依家既我就企左o係看台最高o個級..
由於落雨喇,踢波既人都走喇~
淨返幾個人o係度傾計=]
而我呢?
就o係度吹緊風...跑到好熱丫麻:p

向後望,,就可以睇人打籃球=]
左邊既一列草堆既上面,就係part of the跑步徑喇=]
圍住成個公園跑....
跑既時候,都睇到人地打波踢波架=]

♥04.08.09♥

8月4...係一個可怕既日子~
上年既今日,朝早晨早已經起左身
[其實有冇訓過呢?哈哈]
十萬個好擔心~
由出門口行既每一步都行得好艱辛~
每踏近學校門口一步,都好緊張!
畢竟...唔夠分,就係唔夠分~
自己亦prepare左中4-5既成績表copy
高分又好,唔夠分又好...
都可以interview時用=]
終於到左課室,個課室真係好靜~
從來都未試過咁靜...
終於等到班主任入黎...
佢一臉沉重咁..真係好驚~
跟住佢話....
[41個同學入面..中6會收30個,不過今次只得25個夠14分]
聽完真係呆哂....開始喊喇~
一個一個咁出去拎成績單...
夠14分入學既,會有多一張form填...
行到去亞sir前面,真係好驚冇form收~
由於d野係夾埋哂一齊,
收到之後,其實我都仲未知自己升唔升到中6~
我放左份野o係枱面,完全冇勇氣打開佢...
淨係望住佢喊....哈哈
我個friend亞yan仲以為我唔夠分...
嚇得佢..身邊既人都紛紛拎紙巾俾喊既同學仔..
雖然有我份,不過其實我未知自己升到未就喊定先...哈!
當然,結果就梗係夠14分我依家先會仲讀緊ptms既中6啦...
不過遺憾既係...唔係full cert pass...
a-maths唔合格了>0<
不過都預左了...我都放棄左呢科溫其他=]
唔係拎u都要偷笑...嘻嘻~
雖然有好多同學都唔夠分..好擔心...喊哂咁~
不過我同好姊妹可以一齊入返黎讀...
真係好開心~
兩個完全冇理d喊緊既家長同同學...
兩個大叫,大笑同埋攬住咁嗌....哈哈
o個日真係又喊又笑咁~
呢一日真係畢生難忘....
希望下年收成績單...
都係喜極而泣就好喇~
我.......可以嗎?

♥靚女生活照=]♥

個標題係咪好吸引呢...嘻嘻=]
是次既主角...係一名靚女黎架~
佢就係我隻狗狗-kattie~
去相先~

玩到個鼻仔痴住野都唔知`傻狗=]
洗面洗面既傻樣=]

♥爰.公園♥

真係估唔到自己的起心肝落公園=]
初初真係唔習慣....
好熱好多汗...成身痴立立咁><
不過慢慢地,我依家都幾中意落公園=]
唔想跑都會落去行下~
其實都係行多過跑~夏天真係好熱~
太攰就去球場睇下人地踢波,打籃球咁!
都幾開心架...
同埋依家反而幾中意落去行下跑下,
出一身汗既感覺~
攰係攰D~不過咁都幾開心=]
到7點幾既時間...又開始唔曬~
睇住個天慢慢變色...
都幾RELAXING=]
不過最衰唔想太夜返去~
如果唔係...夜晚唔曬,少少涼風~
其實會舒服好多=]

♥我累了,真的累了~♥

放假不代表沒有壓力...
我自己的事已經夠我煩了~
可否讓我calm下來呢?
每天睡也睡不好,
最少要也凌晨一時多才入睡~
每朝也要準時8時前起床....
是會累的...正常不過~
但我是一個不可以午睡的人,
否則晚上只會眼光光.......
補習...是真的很累的事!
打醒廿二分精神去吸收,
那天我更連續上了2堂,3個小時non-stop...
運不累呢?
我只不過是睡過頭忘了下車,
比起平日遲d 45mins左右到家,
用不著你們用粗口吧?
是得罪了你們嗎?
最年幼的代表沒有資格發言吧...
你們喜歡罵...慢慢吧~
留正我也習慣了.....
我報晚上的課程前,我記得我是有征求你們同意的~
你們當時不是很樂意嗎?
[去補習咋麻...岩課程咪去囉][遲少少食飯有咩所謂姐]
擔心的話,可以打個電話...
還以為你們讓我獨立了,
還在想為什麼遲了也沒有催我回家!
原來是等我回來才x我-0-
我不是去玩才遲了...唉!
為什麼你們總多扯東的扯西的事情混為一談呢?
上兩個月電話費貴了,近日補習外出多了,
又說我是否瞞著你們拍拖了...
是妄想症又發作了嗎?需要食藥嗎?
在我這種自由度下,你覺得我拍得了拖嗎?
連我這樣安守本份都要被懷疑被屈...
我也真的無話可說了!
拍拖是件正常事...有必要咁緊張嗎?
怕我有bb?有拖拍唔代表一定會發生關係..
正如我18歲了,可以買煙,但我會嗎?
可以做與會否做,是兩回事....
我自己的事已經夠煩了....
你們不雪中送炭,也別雪上加霜好嗎?
身心都累了.....
別忘記你們所做的所說的...
是你們推開我的,不是我遠離你們...
唉....傷口會復原,不過還是會留下傷痕的!
是會留下永不磨滅的傷痕...
傷痕已經夠多了....放過我好嗎?

♥偏心♥

對呀...人既心的確係正中偏左~
你也誠實同我講過你的確係偏心~
只係你依家又一直否認....
其實你認為你即使冇講..我唔會知嗎?
由細到大,我不曾被人捧在手心過~
家姐細個想學咩就學咩,
佢3分鐘熱度你都由得佢~
佢讀唔到書...你冇怪過佢...
佢出黎做野冇俾過家用,你都冇嘈過...
佢17歲拍拖你都冇反對過.....
佢去aus讀,讀唔成令屋企經濟變差,
返到黎又做左幾年廢人冇做野,
你都只係[得閒]話佢兩句....
唔俾講粗口???
出自你地口,真係好冇說服力...
有個出口成文既家姐...
連我講白痴,痴線你地都要嘈既話,
我真係冇野好講!
點解O係你地眼中,
我好似唔存在...好似唔係你地既一分子?
知唔知當你地講笑咁話我唔似DADI唔似MAMI
話我執返黎既同時....我真係會唔開心?
因為我都覺得自己好似執返黎既咁....
點解我既待遇永遠都係次等?
17歲佢可以拍拖....
但係我依家連拖都未拍...
SMS/傾電話多左你地已經審犯咁審我...
依家咩事????可唔可以唔係冇事搵事黎嘈?
點解樣樣野只係我輕犯....你地就嘈我嘈到咁?
但係有個嚴重既,重覆既犯罪者...你地可以唔理?
係咪我真係咁乞你地憎?
[唔好比我知你拍拖,如果唔係你唔洗旨意返屋企]
咩意思?豬哥哥上左黎屋企訓左幾多年?
唯獨係我咁乞你地憎?
定係我只係一個滿足你地控制慾
係你地發洩既工具?
樣樣都要管...
電話費今個月係洗大左~
但係一路都係我自己俾返...
點解仲要CUT我洗費?
我已經冇零用錢...你CUT埋,我係洗食飯架喎~
出街玩,去街買野...就連補習既錢...
我都係用哂自己既..唔夠先問你地拎...
真係唔該你地喇...
話我大洗?你地買幾百蚊件3..成日都買-0-
我幾十蚊件3幾十蚊對鞋...間唔中先去買下...
我知我係冇經濟能力,
但係我自己HAN住洗...
見野想買自己儲錢有咩唔岩?
[[D錢咪又係我既?]][[扣你錢丫拿成鬼日買]]
係..D錢係你既~咁你D錢唔係O係老細度黎架咩?
咁你又洗唔洗俾返D錢比你老細?
樣樣野我唔嘈你唔代表你真係岩...
但係我咁樣忍你地...你地就變本加厲~
挑戰人體極限丫依家??
你地鬧我都算啦...
可唔可以唔好用粗口呢?
你要我唔講粗口...唔係問題!
爛口既女仔都唔太.可.愛
間唔中講下笑咁講我覺得OKAY囉~
O係你地面前,我真係冇講過一句~
但係你地呢?
家姐就出口成文~
你地心情唔好...想講就講~
玩丫?你地咁樣雙重標準...
講野係好有說服力架喎-0-
[食包餅成半個鐘呀你]無野呀你?
我食餅食幾耐關你咩事?洗唔洗咁既態度同我講野丫
自己心情唔好撩交嗌又話我發癲-0-
你鐘意啦咁....係我癲囉~
自己睇電視就唔理人地係咪訓緊覺既..
我想睇多陣你就叫人熄電視~
我都係講句:我睇多陣自己熄啦...
你就可以又用粗口鬧人?
我已經開到好細聲..
就算你真係訓唔到..都唔洗用粗口囉唔該~
粗口真係好唔respect人囉~
其實你有冇諗過...
我係你個女黎架?
我想沖個涼先你又嘈...
樣樣野都係我唔岩...
你真係咁唔鐘意我既,
其實我依家已經唔care...
咪唔好同我講野囉~
我okay喎...
但係可唔可以唔好成日無理取鬧呢?
我真係好辛苦...
真係唔係得你一個有野煩架...
唔該您啦....放過我啦好嗎?

♥別了♥

聽見一直與我孖公仔的yan要離開,
在msn中還以為是說說而已...
當我的去補課的途中...
她興高采烈打給我,說現代收了她...
眼淚不自覺地流下來了....
我要失去她這麼一個好友了~
強忍淚水與她聊著....她有像也發覺了!
但我也只好否認~因為....她好像也...........
從此之後,我就好像孤身作戰一樣了~
伴著24號的,再不會是27號了!
我的位置和locker的位置,旁邊都再不會有人!
上課再沒有傻婆把我的東西全部搬到自己的桌上,
然後說:偷人野唔岩架...唔好偷人野丫
沒有人陪我上課偷偷sms...
再冇人陪我嘻嘻哈哈,講東講西...
陪我努力捱到a level了~
9月就各走各路了...
你,還會記住我嗎?
我,還會是你將來的伴娘嗎?
我們....會仍然是孖公仔嗎?
**************************************************************
[沒有經歷和你一起的壯舉...今天要我獨居應不會難受到想死去~]
[慣了共你一半,吃喝共你一碗]
[好友,也像拍拖難得會拍一世,離開~再會亦是投契]
[我心事,誰又會在意想聽]
[離開,這一刻感覺不會忘記]
[朋友,抱擁告別明天各自遠飛]
[別了依然相信,以後有緣再眾]

♥parents' day♥

同dadi mami食完早餐,,,
行左個圈就返上屋企,
我就拎返個銀包同penfill...
媽咪就拎環保袋
齊齊去黃埔行街街~
幫家姐買左被袋!
自己買左枝香噴噴既showel gel=]
返黎媽咪收到電話....
又抽到獎...
抽中左5星級酒店既spa....
千幾蚊!
成個抽獎淨係抽呢樣野..得5個人-0-
咁都抽到真係叻=]
之後落左去食sushi....
之後就去見家長~
第1次成績表係寫試升...哈哈
一d唔開心都冇啵唔知點解!
反正我會努力...
當媽咪話:咁多年第1次收warning letter同試升真係醜!
我:下?醜咩呀?我今次進步左喎...唔覺得有咩咁醜
我呢個暑假又唔係咩都唔做!又唔會白過既
我讀返哂d野咪得囉
ar sir:佢都話過佢會努力既!佢亦真係進步左好多!
不過呢個暑假..個半月就唔好玩左佢囉~
chem真係弱左d....要被心機追喇~
大家都講得好happy咁完=]
媽咪既擔心,我又好心平氣和咁同佢解釋...
佢亦都冇事lu=]
放心啦,我會比心機既=]

♥=[♥

好耐冇打blog喇我原來
不過放左假之後...
生活日日都差唔多!
都唔知有咩好打喇=]
聽日就係家長日啦..
個人真係幾淆底~
我相信佢地仍然會同我媽咪講叫我DROP左CHEM!
不過我會堅持囉!
我唔相信我真係讀唔掂...
真係唔得既話...唔去考係我既選擇!
不過DROP左真係冇機會囉~
不過今次係進步左係冇..
不過D成績仍然唔係咁好囉...
又令媽咪失望喇...唉

♥水腫♥

呢牌水腫得好緊要...
是輕微的併發症吧~
都預左會有架啦.....
只不過呢牌特別嚴重!!
難怪我之前覺得自己重左咁多,
而且瘦唔返!!!!
D皮膚既彈性減弱左喇...><
腳板更加會NUP左...幾秒先復原-0-
D衫褲又緊左!!
上次著鞋更加刮到損得哂...
流哂血咁-0-
瘦唔瘦真係唔緊要,
但係我唔想禁落D肉度好似個水袋咁...
個感覺好核突丫~
我唔想個人咁腫咁漲...好辛苦
買左一盒茶...希望有用喇=]
遲下就開始做運動....
我要去水腫丫!!!!!!!!!!!!!!!

♥援交♥

有從事以上工作既...不喜者...咪睇!
援交係d咩?
援助交際係近年幾興既詞彙!
尤其係o個本[我的16歲援交手記]推出後!
援交一詞似乎美化左佢地既行為!
實際上同[男性叫雞][女性做雞]冇分別!
唔歧視唔等於要美化....
妓女..雞...呢d字好侮辱?
我並唔覺得~呢個先係貼切既形容詞!
性工作者係好好聽.....
但係正確化左呢個行業囉~
朋友因下年暑假plan緊同男友去日本旅行...
講到興起就話要好好儲錢!
仲話終於明白點解d女仔要做援交...
我聽到一頭霧水之下..
原來佢用正常既收入同做援交既比較!
冇錯.....返工係攰係長時間收入1個月有幾千蚊!
而援交呢?
一日做2場既話...唔洗一個星期已經有一個月既人工!
而且男方可能仲會送上各種禮物!
付出有幾多呢?
返工付出既係差唔多十個鐘既辛苦...
精神......體力.......心血.......
而援交呢?
只要付出肉體!
又可以即時收到錢....
是很方便吧?????
女孩子們....
你地將自己既身體當左係d咩?
第1次係重要....
但係失去左第1次之後..
係咪就可以由得佢????
就可能亂黎?????
以前係周圍既人將女性地位同尊嚴貶低...
但係依家?你地將女性既地位同尊嚴自己愈踩愈低!
援交既又有.....濫交既又有.....o係地鐵親蜜既又有.....o係巴士口交又有....
想點??????你地有冇當自己係人?
錢真係咁緊要????冇左真係會死????
點解可以唔覺得自己有錯????
[我冇付出咩?][我夠要面對d我唔想面對既客啦]
咁係咪要讚返你地好叻丫????
百思不得其解....?
原來答案好簡單!
是我守舊!!!!!

♥被遺棄的垃圾♥

我知你一向都唔中意我同亞yan!
但係唔代表你應該放棄我地....
唔係要你中意我地...
但係都唔應該扼殺我既努力!
佢唔溫書,佢想留班,佢拎個位數字既分係佢既事!
我呢個學期既考試真係有努力去追.....
出黎既成績雖然係唔理想...係唔合格!
但係已經好過上學期啦?
唔通你真係唔覺得我有努力過咩?
你叫佢drop我可以理解....
佢上下學期都咁低分...
但係我進步緊既時候...
點解你唔係去encourage我做好d....
叫我暑期比心機...
而係叫我drop左佢?
如果我drop左呢科al...
同我依家唔讀書有咩分別???
3科al都仲話drop完仲有2個al..
依家我得兩個al...
drop完我讀黎做乜?
教育工作者原來係咁既.....
呢d就係所謂既有教無類....作肯英材囉!
我努力完.....根本都冇人認同~
bio都由上學期得廿幾分...依家合格有餘!
我個樣好似好hea咩都唔理...
唔代表我唔溫書~
[[[唔比你撞彩架咩]]]
呢句說話係老師應該講架喎~
咁不如你就咁ignore我唔好比我讀囉~
我溫書追得咁辛苦,,,,
你當我靠運.....你好野!!!!!!
chem既老師係咁一d都唔出奇!
ms hui一向都唔中意我地~
真係唔緊要!
我估唔到連stat既poon sir都係咁...
你識話我進步左...求學心重左!
但係我地想8月尾搵你幾日返黎問下數...
你竟然話:我唔諗住幫你地補~
靠自己你都講得出?
我地靠到就唔係咁既分~
就合格有用咩?
出到去係會合格....但係想高分都唔岩?
係你睇死我地唔高分得去邊咋卦...
唉......算`老師係教好學生..唔係教好d學生~
教我唔明我出去補習又唔中意
叫你留一兩個鐘比我地問下數....
又話對佢唔公平...
冇哂時間家庭樂-0-
算啦....由得啦.....唉!!!!!

♥勞氣♥

純粹發洩....唔中意就唔好睇!
我煮野食關你咩事?
冇諗住煮什你地食....
[妖....施嘉雯煮野食你就出聲啦]
[我地嗌外賣丫麻]
[早知就叫野食啦]
依家我有話煮比你地食咩?
唔中意咪唔好食囉-0-
到我準備煮又嘈呢樣嘈o個樣!!!!
我:[媽咪:d露筍熟左就咁食喇...大家唔想食我唔煮喇]
我依家好好聲氣話唔煮又關你事既?
我發自己脾氣又會唔岩既~
你話mami要執我手尾煮野食有hard feeling...
咁你地咁樣同我講野...
我冇hard feeling咩?
我會有好soft既feeling既?
痴線-0-你地叻哂囉!!!!!!
鬧囉鬧囉...
你地講咩都係岩架麻~
由細到大都係咁架啦...
唔煮囉...咩事姐
痴___線

♥吱喳妹廚房又黎啦♥

呢碟係....牛柳+豬扒絲+少少露筍!
DELICIOUS-3-
D牛牛唔會太老!!!一流丫~

呢碟就更加經典=]
初時同媽咪講我會咁煮...
佢仲串串共咁話我一定整唔到~
會散哂....會唔MATCH!!!!
呵呵.....我又整到丫...
仲被評:可以拎出去賣喎..咩咩!
真係開心死呢-3-
勁有成功感!!!!!!
不過真係好好味=]

媽咪仲叫我下次又再整=]

真係開心丫...

BLING左電話....即刻靚哂-3-

♥no title♥

今日個人短講...
收到題目:理性比感性重要你同意嗎?
10分鐘既計時器冇理我既腦係咪同時轉動,,
已經緊守本份咁一秒一秒地減少!
究竟係理性更重要?感性更重要?同樣重要?定兩樣都唔重要?
最後我揀左同樣重要~
文化元素不多...
有講下中化入面既
1)中庸之道...
2)合情合理...咁!
仲有提受規則係死既人係活既...
3分鐘既個人短講下....我淨返20秒=]
今次算唔錯喇~好過上次睇錯timer=]
提及理性感性...
正正就係男女大不同!!!
雖然男女都係理性同感性既一面...
但係大部份時間....男既都係處於理性~
而女既就處於感性!!!
男人主要係邏輯思維...樣樣野根logic...
所以唔難聽到d男仔/男人問我點解?
我就係一個好典型既女仔...
哈哈......感性都不得了!
心情好易受影響...
呢一刻可以好開心...下一刻可以喊~
而o係被問既好多點解底下,,,
好多答案都係:我都唔知丫....
野食....天氣....夢....人....說話....目光....
一切一切都好容易影響我既心情!
所以大家都好容易得罪我/整喊我/令我好開心~
嘻....有好有唔好啦~
容易受影響雖然好麻煩...
但係令我好易滿足=]少少野都會好開心~
不過感性既最大壞處就係....好易受傷吧!
[其實傷心都不過為愛,同樣子活得開心靠愛]
呢度指既愛....並唔係指男女既愛情~
而係指親情,友情=]男女之情就未有資格多談住=]
尤其係友情......又或者我應該話我將[情]字睇得太重~
對每一個好朋友好知己都係100%~
所以係咪自己既錯都好...
當對方一放手,就會...........哈哈!
諗起都覺得傻~"
不過......改到嗎?
朋友都同我講:對朋友係咁好啦...遲D拍拖咪100%放落個男仔度丫~
一陣傷得深,,,,就會好慘架啦...
我講笑咁話:你地即係咒我咁話啦~
哈哈....不過我醒起一句:相信愛是要付出100%,否則只是喜歡!
算吧...一切也聽天由命吧!!!!
如果有我呢個咁好既女朋友都唔心足..
我都冇辦法啦!哈哈哈哈哈.....
感性既動物...永遠都係充滿麻煩~

♥冷♥

也不知道從哪時開始....
我就常被形容成---冷!
是近幾年的事吧~
沒錯...慢慢地我是變得冷漠了一點!
難道我還要像個小孩每事問?
不過對事情稍微冷漠,
並不代表我什麼也不知什麼也不理!
只是我認為沒有開口的必要!
不相熟的同學們也覺得,
我是個高傲,不易相處,自我中心的[大小姐]
也許就像時下的[港女]吧?
不過偶然的機會下..與她們食飯/相處...
也總令我十分高興!
因為她們都會笑笑地對我說:[
c+..原來你都唔係咁cool既姐]
哈哈....或許是我慢熱吧!
我並不會是健談/活躍份子~
平時也不太愛笑.....
直言的我..就此被形容為cool/串咀!
還記得zaite稱我為貴婦-0-
我都幾親民的呢.....=]
從前還真在意別人對自己的看法...
不過慢慢地,我不太在意了!
並不是漠不關心...
而是....清者自清的態度吧~
每舍 人的觀點與角度都不同!
是優點/缺點....有時只是一線之差~
何必介懷太多外人的想法呢?
只要自己有所反省....知道自己是對的~
根本無需解釋太多!
因為誤會的人太多...而且通常都根深蒂固了~
單憑自己幾句說話....他們真的會改觀嗎?
哈哈....我自己也誠實地答你..我也不會~
而且並不是所有別人不滿意的地方也要改變!
很多時候,只要並不過份,亦可一切如常~
我冷漠嗎?我亦有令我大癲大肺的好友,
那....我的冷漠有問題嗎?
你不滿意嗎??與我何干??
不喜歡我的人多的是...
我有必要全部都迎合嗎?
沒有必要亦MISSION IMPOSSIBLE吧!
這是我的性格!別作無謂的批評!!!!

♥壓力♥

整個中6都好似好渾渾噩噩咁過左...
到依家真係溫成書上黎....
都真係知驚喇!
對好多野都一頭問號!
雖然我知我唔會留班.
但係亦唔代表我升到上去就讀得掂!
相信...黎緊呢個summer holiday,
又係某某補習社既常客喇!
中7既半年....根本眨下眼就過...
到時就係al喇...
再唔努力d,就會係墊屍底既一群喇~
以我會考既成績....要入大學真係可以話微乎其微!
想...唔代表入到!
有邊個唔想入大學呢?
我都明白你地好想我入到大學...
但係....我既能力有限!
唔好俾咁大壓力我好冇?
我自己都讀得好辛苦~
你地放心好冇?我真係會比心機讀架~
有理冇理,我咩科我都入喇好冇?
唔好再奢望我入到藥劑...入到護士喇!
我入到大學...你地都應該要偷笑!!!!
其實.....某程度上,我認成你地咁想我入大學,
係為左........面子!
家姐讀唔成書......你地覺得冇面!
亦想我呢個一路都咁聽話既女入到大學威返下...
入到大學就有幾皮野?
依家仲有呢支歌仔唱咩?
大學生都係得$4000都有啦!!!
唔係我發悔氣...
而係自己知自己事喇!
al都唔知自己會考成點!
我自己自己真係唔係d咩讀書既材料!
資質真係差.....
但你地唔見我真係好努力咁讀上黎架既咩?
我真係有.....我真係有架.......

♥祝福=]♥

唔知大家仲有冇收過手寫既卡或者係信呢?
又或者應該問..對上一次係幾時收過呢?
資料科技既發展.....令文字慢慢式微!
有幾多人仲會寫信,,,寫卡比人丫?
不過對於知已良朋!
o係佢地既生日同埋christmas...
我都會精心去揀卡...同埋用心寫一d內心既說話=]
我並唔會好似細細個咁...[派]卡,
而係只係送俾一d值得我去送既人!
雖然簡簡單單一句[生日快樂][聖誕快樂]已經令人好開心~
但呢d說話....已經成為部份人既儀式!並非發先內心喇~
我係一個好中意文字既人....
而唔太中意說話=]
熟我既人就會知我寧願捱貴sms...
都唔會打電話既人黎既~
我唔中意deadair既感覺,
但係自己又唔太擅於製造話題!
sms send到冇野好講...
send幾隻字...幾個表情...大家都會知係時候end!
唔會尷尬亦唔會有deadair...
by the way....雙子座唔係好多野講架咩?我完全唔係啵-0-
收到朋友既信....卡....都會好開心!好感動~
大家每一句既祝福,每一句既說話.....
都充滿支持同鼓勵=]
文字真係可以被取代?
表面上可以....可以被聲音,圖像,畫面取代!
但係文字...先係一種真真正正表達想法同感受既工具~
我手寫我口...我手寫我心...
文字上既你同我...先係最唔需要掩飾既自己!
唔需要有面具....唔需要被處理-3-
你地既每一句.....我都會收起!
多謝你地=]
有機會.....真想交返幾個pen friends!
可惜依家頂多只可以交e-friends喇><

♥道不同不相為謀?♥

與欣由中4相識至現在...
雖然只有2年左右的感情,
但已經建立了深厚的友情!
只少我認為是這樣的~
直至你開始拍拖後...
你整個人開始改變了~
我說不上來是什麼的改變,
但我可以肯定那不是由壞變好!
你沒有因為拍拖而努力讀書...
反而荒廢了...
你的時間全部給予他了...
沒有留一丁點給我~
我不是在呷乾醋...
但這是朋友嗎?
他沒有空陪你,你便要求我陪你...
陪你行街,陪你唱k,陪你聊天,聽你訴說心事!
how about me?
佢中午突然有空找你吃飯,你便放我飛機!
一次...兩次...三次...唉!
在我不開心想人陪,想找人傾訴的時候,,,
你又在那呢?
你不覺你變自私了嗎?
你有考慮過我嗎?
朋友是這樣的嗎?
還是我只是幫你zip時間的,只是我不知嗎?
我開始質疑自己再也不是你的朋友了...
以往你都會在12時來電給我說聲生日快樂
為我準備生日慶祝...
但今年呢?生日快樂這4個字...
你連sms,打電話這些簡單的方法都沒有做了,
連網友,facebook的朋友相識相熟的,不相識的不相熟的
都紛紛跟我說生日快樂的同時...
你好像已經不把我的生日放於心中!
我不要什麼禮物,甚至不需要你與我慶祝...
但至少有一句生日快樂吧?
重色輕友是合情合理,
但總有個譜吧?
實在受不了你那種呼之則來揮之則去的態度!
你無理的說話....我真的不敢茍同!
你與家人的關係疏遠了,破壞了...
還不是你自己一手造成的嗎???
有時你過火的行為...我也禁不住跟你談談,
還以為我們可以好得成為critical friends...
誰知..這個醜人的角色實在不易做!
我受的夠多了....我想放棄了.....
單方面作出遷就,忍耐,我真係累了!
你有你的煩惱....你有你的想法....
我知道,我明瞭....
但也請顧及我的感受!
不認同你就代表不視你為朋友嗎?
那算了吧...
我不想每天對著一個黑口黑面,
每每都要我開解都仍舊要發脾氣的人!
你男友如果遷就你是你們之間的事...
我不是亦不想成為哄你開心的傻瓜~
中5的時間,你說你有機會要移民到外國...
我傷心我哭...
但你近日告訴我想多讀一年中6....
我竟然沒有感覺了....
你想怎樣,是你的選擇吧?
我不再願意參與,不想加意見了!
淡了?隨便淡..
不是我不想keep our relationship,
而是你一早放下了!
那,我相信我也不用再努力挽救!
一切隨它去吧.....

♥DAN RYANS CELEBRATION-MAIN COURSE♥

連我自己依家睇都唔太知係D咩野食喇...
有一份係烤雞...
有一份係RIB EYES
有一份係燒烤拼盤=]
樣樣野都好好味=3=
D STAFF一見有人拎蛋糕...
就好醒目地過哂黎...
一大班STAFF一齊唱生日歌我聽...
超開心啵=3=
至於最尾O個張,就係送既生日蛋糕一件...
都要成$50架.....
不過真係好甜>< 許左願吹左蠟燭之後, 係咁兒食左一啖,叫做試下味咁啦=] 之後就拎左個氣球走人! 其實唔係太想拎走..好似好CHILDISH咁! 不過又俾我諗到放氣球! 由於唔會出露天地方, 所以行左去商場中心...許左個願! 放左個氣球上去=] 希望我個生日願望可以達成喇=]

♥DAN RYANS CELEBRATION-APPETISER♥

由於大CAR位枱係用紙...
豬哥哥{未來姐失}又多手喇=]
拿手既加菲貓又出場喇!
仲伕3我去左TOILET既時候...
問STAFF拎左個氣球比我-0-
個氣汽最後既下場....遲D揭曉=]

呢兩碟都係頭盤...
仲有3杯SPECIAL DRINK
STRAWBERRY--MAMI
PINEAPPLE-豬哥哥
WATERMELON-LING
WINE-DADDY
WATER-ME AND GRANDMA>< 最開頭仲有麵包架... 熱熱地脆脆地...超好食=]

呢個係雞翼,洋蔥圈同埋薯皮...
中間O個個醬好似沙律醬,不過杰D=]
D相好鬼黑...因為個環境冇乜燈
不過好好FEEL........-3-

18 =]

18歲就黎到喇....
其實,並唔係真係咁期待!
上年既期待可能多過今年..
一黎係上年完左CE可以大玩特玩!
二黎係多左D同事同我一齊癲一齊慶祝=]
18歲代表D咩呢?
其實代表左你已經係一個18歲既人~
簡單D黎講....冇咩特別意義!
18歲係代表成年...
但係...唔通一夜之間大家就會成熟左?
大家真係會O係一夜之間諗通左生性左咩?
呢D野...並唔係一種成年既儀式....
O係你長大既同時,你已經要變得成熟吧?
仲關係唔係18歲咩事呢?
我既18歲..O係呢一晚過得好開心~
聽日再同大家分享呢一晚既晚餐啦=]

♥負能量及感冒既影響真大♥

第1回:入院前
相信大家都能感受甜酸苦辣咸等味道!
喜歡那種,就嘗那種
但07年4月左右的一場普通感冒,
我便與甜味差不多絕緣了...
那場感冒復原後...
體重慢慢下降!
初時還高興自己瘦了不少..
但漸漸地,我開始害怕了,
由一百零幾磅跌型九十幾也不為意..
以為係感冒所致..
但...隨時間過去一個多星期,兩個多星期....
體重都在一直下降,
整個人消瘦得嚇人!
只得80磅.....
媽媽也覺得不太妥...
但一直都不敢去看醫生,,
大家都在逃避吧!!!
那陣子...每分每秒也很睏,
連眼睛也不想睜開....
連上班房的4層樓梯...也要分2次行!
直至period的一天,連個人快死掉似的!
很痛..一直冒冷汗,,,只好早退!
翌日也十分辛苦...結果媽咪說她也一同請假,
去看看醫生吧....
結果.....難忘的一天就來臨了....
第2回-入院了
醫生十分純熟地拿出一部機...
[篤]手指後...便說要我立即留院!
那刻真的是晴天霹靂,眼淚不自覺地湧出,而且沒有停過....
被帶到病房中更衣後不夠5分鐘...
已經有幾個醫生及一大堆護士圍著我!
推來一大堆儀器.....說著一大堆聽不入耳的話!
因為我的耳朵已經被自己的飲泣聲覆蓋著!
別人在說什麼...都聽不進去了!
隨著而來的是一陣又一陣的痛楚!
幾分鐘後...身上已經插滿各種儀器,
插滿一條又一條的插血管及喉...
我還是一個活人嗎?
看見媽媽在門外看到我流淚而一直哭著,
我有試著叫自己堅強...停止流淚...
但這對我算是種苛求...
對不起....我做不到!
眼淚一直沒有停過...還愈流愈多!
一次又一次的痛楚和衝擊過後,還以為一切都可以停下..
讓我停下來....
誰知...在這一切還未完結的時候,
醫生已經要將我送到深切治療部了!
小時候看電視劇的畫面正正發生於自己身上了,
躺在床上...眼看著天花板的光管一條一條的經過!
我的生命該終結了吧????
死前的人會浮現一幕幕美好的回憶吧?
我想起的是什麼???
我想起我的朋友,家人.....所有我愛的及愛我的!
到了icu後...又推來一大堆儀器了,
麻目了.....眼淚不再因痛楚而增力!
像機械式似的一滴一滴.....
短短半小時的時間...像過了一輩子!
我經歷...不是應在幾十年後發生嗎?
或許不會發生嗎???我是在做夢嗎??
但這個夢來得十分真實.....
真實得令我不敢假設這是個夢了!
哭得累了,很想合上眼睛睡覺.....
但卻湧上一種害怕的感覺,
我會否就此一睡不起呢?
我很想我的爸媽...家人...朋友...
友善的護士姐姐妓心地用紙巾抹去我的眼淚...
對我說:嘉雯,唔洗怕喎!唔好喊啦...你對眼腫哂唔靚女啦~係咪好痛呀?
我搖搖頭問:可唔可以俾媽咪入黎呀?
護士姐姐:你媽咪上緊黎架啦...乖啦!唔好喊啦....=]
雖然我答[嗯]....但眼淚卻沒有想過停下一秒鐘
見到媽媽後....我除了不斷說對不起外,只有流淚!
我覺得自己很沒用!
不但沒有做些什麼令爸媽自豪,開心...
反而令她們擔心了....傷心了...痛心了....
我緊握著媽媽的手...害怕失去了溫暖的感覺!
當護士說醫生來到要媽媽離開時,,,,
護士和媽媽都被我的豪哭嚇了一跳~
我真的無法忍受那種驚慌...今天我也受夠了吧!
結果,我被說服了....
醫生也很體諒我的感受...說了一番安慰的話!
令我的懼怕稍稍退去....
她問我知否自己發生了什麼事...
我流著淚搖搖頭!
他暸解我的痛苦...說:傻妹唔好再喊啦...
你知唔知你用左好多tissue架啦...再係咁要收你錢架啦...
大家微笑過後...他開始告訴我的病情!
原來我得的是1型糖尿病...
沒有具體病因...以我的CASE,他說是感冒引起!
我一頭霧水的樣子令他笑了....
他解釋:當身體的白血球去消滅感冒菌...
因某些原因出錯..而攻擊身體正常的細胞!
而你的身體被攻擊的是胰臟的細胞,
所以你的身體不能製造胰島素....
他說:咁講你明白嗎??
我點頭!他笑笑說:真係咁快就明?
我:我係讀理科架...
他:咁好啦....唔阻你休息,晏D再黎睇你啦=]
你放下啦...喊到見唔到你對眼喇...
我:可唔可以俾媽咪入黎陪我架?
他:陪多一陣啦...你都要休息架啦~
不過你要應承唔准再喊架啦...
我點點頭後,,媽媽便進來了.....
看見媽媽一面擔心,強擠笑容的樣子...
我又不禁流淚了....
媽媽牽著我的手,說:
[傻妹唔好喊啦=],你好叻女架麻...係咪?]
[唔好要媽咪擔心你啦...DADI同家姐同黎緊架啦]
[大家都會支持你,我地知你好堅強既......]
[唔發生都發生左喇...傻妹唔好唔開心,積極D面對好冇?]
[冇人會怪你架...唔好再講對唔住啦傻瓜!]
一句又一句窩心的說話,,,,令我既感動又慚愧!
日子一天一天的過.....
痛楚對我來說...已經不是什麼回事了!
抽血...篤手指...驗這個....那個....
身上都充滿著數不盡的傷口和針孔了!
一個星期過去了....我終於可以回到普通病房!
所以儀器除掉後......
手手腳腳都因為血管被長期插住駁管...
而出現瘀血...動彈不得!
只要有些少移動,就會痛得生不如死!
連拿起牙刷的力氣也沒有...莫提及走路
還以為一切完結後...可以像什麼也沒有發生似的
正正常常地繼續生活.....
我太天真了....
從此我便要背負著長期病患者的身份,
每天都要自行篤手指,,,,
3餐都定時定量,,,,,
3餐前及睡前也要打針!注射胰島素~
甜品與我絕緣了....
很多東西....也只有看著別人品嚐,
學會了自行打針...及一些有關的知識後...
我便差不多可以出院了~
我好奇問醫生感冒是否我的發病原因...
他說每個人也不一樣.也不一定只得一個原因!
如果你是悲觀的話...所謂的負能量其實也有影響...
他見我若有所思的樣子...也知道我正正就是這一種人了!
也叫我要嘗試改變一下自己了....
第3回-出院後:
出院後的一天,我便開始上學去了...
本想休息多一天....但考試將近,
分秒必爭吧....
老師和同學們都很關心我...
紛紛問候我的健康狀況!
令我失蹤透頂的事,
和我要好的那班朋友中,最要好的一個....
竟在疏遠我了.....
在我需要朋友的時候,她們離開我了!
病了`便不是你們的朋友嗎?
當初說的:[永遠的一輩子的好朋友...]到那去了?
永.遠....有幾遠呢?
簡單的兩個字...令人心甜又心碎的兩個字....
失去了甜味的同時...我失去了一段我珍而重之的友情...
一切一切都是我的錯嗎?
我傷心我難過,,,,但我不敢向家人訴說!
我不想再失去家人的支持了....
是我把她們推走嗎?我真的變可怕了嗎?
我真的不再有朋友了嗎?
我開始懷疑[朋友]一詞的意思了~~
親戚也改變了看待我的態度了....
患難見真情....百分百準確~
朋友如此,親人加此,親戚也如此~
先入為主的你們....不論我如何解釋,
你們也堅持你們一套的想法...
我想我不再需要多說...
你覺得我是怎樣便怎樣了...
不理了...我真係累了!
會考過後,我主動在MSN找那位離開我的朋友!
為的只是知道當初你離開我的原因...
傾過後.....我並沒有傷心,並沒有難過,也不覺得可惜!
因為我知道,她的離開留而令我有機會認清她的為人
也令我有機會認識我現有的這一位好友....
直到現在....已經2年了!
還以為自己看化了....習慣了....
再次打這一篇網誌的時候,
我發覺....一切都留在心坎裡沒有離開過!
時間共不能把每件事都淡卻....
事非經過方知難....
沒有經過事情的完部,你能體會當中的難處和辛酸嗎?
每天都要打針...你認為痛楚真的可隨時間淡卻嗎?
真的有習慣了的痛嗎?

我唔係一個沙包><

我知每個人都有情緒...
每個人都會有煩惱既時候,
但係唔代表你可以隨便發人脾氣.
你地唔開心又好,
出去受氣又好,
大壓力又好.
同身邊既人搞得唔愉快都好...
你地估我會冇呢d事發生?
我唔會唔開心咩?
我冇機會受氣咩?
我會冇任何壓力嗎?
我會可以同任何一個人都唔會有嗌o拾麻?
之前既我只要有唔如意既事,就會發人脾氣...
係你地同我講要改.....要成熟d唔好自我中心!
當我改左既時候....你地點對我?
屋企人又係咁....朋友又係咁...
你覺得我又會好開心?
你地心情好就belebala同我講呢樣講o個樣...
我心情唔好已經就咁應你地[哦][嗯]...
明知人地唔高興....係要嘈我-0-
學生唔係冇壓力架....
唔係點會有咁多人跳樓死?
經一事長一智....你地睇我地學生梗係覺得做學生好開心!
正如我依家睇返會考都覺得唔係咩一件事...
但係o個陣對我黎講...真係天大既一件事!!!
你地可唔可以切身處地咁同我講野?
我知你地好有經驗....
但係唔係大哂...
淨係識得話我咁多埋怨,
讀書既少少苦都受唔起...
有邊過冇灰心過...可以順順利利咁讀上去?
你地有邊個經過過中6?
仲要係依家呢種高壓,競爭性咁高既考試制度?
我唔係話我讀到就好巴閉..
但係你地真係冇經過當中既壓力囉!
可唔可以唔好再問我d小學先會問既問題?
邊仲有溫得哂書....識哂既歌仔唱?
仲覺得要有9十幾分先叫好叻?
咁算啦.....你咪當我蠢囉~
我知你地有壓力....
你地都有你地既野煩
但係你地心情唔好...o係談吐中我係會感受到
而會收自己皮唔嘈你地....
共唔需要你地一開口就鬧我囉....
我唔開心自己入房係我唔岩
你地唔開心[bang]門又岩既?
成日話我唔成熟,唔開心就發脾氣..
話我自我中心....一唔開心就唔開心到出面!
唔開心唔通連返到屋企都要扮開心?
連返到屋企都要wear mask麻?
我寧願喜怒形於色都好過你地咁...
唔開心根本都冇人知...
形於色唔代表一定要你安慰囉其實...
只係要你收下把口,唔好再慕我搞到家嘈屋閉姐...
唔似你地...唔開心郁d就發人脾氣!
搵我黎發洩....
我知我係屋企入面最細o個個....
冇資格出聲......冇資格發脾氣.......
但並唔代表我就要做受氣o個個!
我o係屋企吱吱喳喳...嘈之巴閉....
唔代表我真係可以成日都咁開心.
我只係想大家唔好咁沉默...同時唔想大家再要煩我既事...
但係你地就覺得我好似幼稚園學生咁無憂無慮.
哈哈.....有口話人唔該都檢討下自己!
你地中意點話我....點睇我....
我控制唔到亦都理唔到咁多!
你地中意點就點啦....
我唔會再同你地多講野...
累了.....面具也變得殘破了

♥吱喳妹廚房♥

本身諗住煮埋檸蜜雞翼!
可惜媽咪買左好多餸...
家姐同豬哥哥都唔返黎食,
所以唯有聽日先整雞翼喇=]
今日煮左金菇洋蔥牛扒....
不過討厭既金菇成日都會出水!
愈耐愈多,
唯有及時收火啦=]
雖然都係個樣唔太靚,
不過都係好好味既=]
吱喳妹廚房絕對有信心既保證..hehe

♥藍玻璃♥

旅遊巴/巴士上...
很多時會因為避免陽光太猛烈
而用有顏色/有暗花的玻璃紙鋪於窗面.
雖然玻璃紙可以擋住陽光,
但同時,它會遮蔽窗外真實的畫面和景象!
正如每個人都有自己的眼睛!
在著獨有的玻璃紙一樣...
令主觀及心存偏見變得理所當然.
舉個例子:當一個衣衫襤褸,另一個衣衫筆挺的人
站於你面前,你對於前者還是後者較有好感呢?
相信大家心裡有著一致的答案=]
外觀/外貌醜陋就代表差劣?
而衣著光鮮又一定代表優秀?
[金玉其外,敗絮其中][欺文敗類],
不就正正形容那些衣著光鮮,打扮得體的人嗎??
有主觀既角度,是人的天性,
但大家有否想過[己所不欲,勿施於人]呢?
當你不想被誤解,被胡亂定型的同時,
是否應該放下成見...
用心感受別人的轉變,他人的感受...
於別人的立場想想,你可能會對身邊很多
人,事,物都有所改觀.
以酒店為例,無論酒店外牆/大堂裝潢得貴麗堂煌,
如果服務不周,設施不全,
住客是知道的,也不會再次光顧!
正如人一樣,人並不只是靠名牌,珠寶去突顯高尚的地位,
他們可以會覺得自己高高在上,受萬人敬仰.
但人們只是存敬而遠之的態度,共不是真正的尊重~
相反,具有真材實料,高尚品格的平凡人,
會更受別人的尊重及認同!
所以把你的虛榮心放下吧...
那只是不切實際的東西!

♥生日♥

生日對大家黎講...
唔知有d咩意義呢?
不過通常都係女仔比較緊張呢一日!
由細細個開始...
我都好中意過生日~
因為年年媽咪都會幫我搞個大食會..
請好多同學仔黎...
然後又要自己整好多野食...
到左夜晚又會o係平台bbq=]
好熱鬧,,,,,,好開心=]
最開心就梗係每年都會有人個自己揀,
自己訂製既大蛋糕喇...
咁多人同自己慶祝....點會唔開心呢?
不過...人愈大,生日好似愈唔重要喇,
尤其係07年既生日,,,,,
真係唔想過....
係第1年冇蛋糕既生日~
到08年既6.15,對生日已經冇乜感覺,,
亦對蛋糕呢樣野不存丁點奢望!
今年又點呢?
看似重要既18歲生日,我又會點過呢?
原來要同書本渡過....
不過開心既係,
傻婆竟然話整一個[健康]蛋糕比我-3-
淨係呢份心意已經令我好開心喇=]
今年可以係07年後..第1年有生日蛋糕食既生日喇=]

♥你係羨慕別人嗎?♥

羨慕......
由於我會話:[如果我係你就好喇.....]
成日都羨慕人地...各樣都比我好,比我幸福!
我就比人一種唔知足既感覺!!
我羨慕人地比我自由~
中意幾時出街又得,中意拍拖又得...
中意傾電話傾通宵又得....
呢d野,對我黎講好似太遠喇~
我又羨慕人地可以選擇自己中意食既野~
炎炎夏日可以嘆杯特飲..雪糕..甜品......
嚴寒的冬天可以吃著熱辣辣既蕃薯..暖暖的甜品..溫暖的湯圓......
唔開心既時候可以食甜野e.g:糖...chocolate...糖水...
令自己開心番!
呢一切,已經係我已經失去左既野喇!
咁我可以點?
我只有羨慕別人!!!
不過見人地食得到既開心同滿足感...
都感受到o個份喜悅既=]
所以我好中意煮野食...
當人地食到自己整既野食而真心流露出開心滿足既表情..
開心哂啦=]
我所失去既...有冇機會返返黎我身邊?
希望在明天....

♥車上聽到的一段對話♥

上小巴後,一對男生在後座對話
男a:[今次一定仆_喇,實遲到]
男b:[佢都預左架啦係咪呀?又要買野又要拎野]
男a:[佢都痴_線,當_我左係狗]
男a聽電話:[o係車啦我...][又要幫你買野又要拎野...梗係會遲少少架啦]
[咁你慢慢沖定涼等我囉]
男a:[_!又係咁_樣收我線][_獲都係咁]
男b:[哈..由佢啦]
男a:[咁多聲氣,一陣咪_要我同佢x野]
男b:[當發洩下仲好啦]
男a:[咁咪益x左佢條姣x]
男b:[算數啦...一陣你都係要比人鬧架啦]
[有種當面鬧爆佢囉]
男a:[佢發起癲上黎真係痴_線架..呢條姣x唔好惹]
男a聽電話:[應該半個鐘度到][咁洗唔洗幫你買藥?]
[咩由你死姐...咪癲啦你][妖...冇你咁好氣]
男a:[獲_獲都係咁樣cup線...痴_線]
內容大致係咁...

佢地落車後...個個都望一望佢地!
相信係因為內容問題...
原來o個兩個只係2個後生仔!
聽完之後....真係呆左`-0-
依家d年青人視愛情為何物呢?
點解可以咁不知所謂呢!
始終係自己女朋友,自己中意既人,
可以用呢d字眼形容自己中意既人嗎?
不能理解

♥吱喳妹廚房♥

嘻嘻=]今日放學又同傻婆做c 9們...
去左supermarket買餸=]
煮左呢兩味!
就係黃+青椒炒黑椒雞腎
同埋蒜蓉蝦=]
大獲好評!!!!!嘰嘰
愈煮愈開心~
自己又食得開心.又煮得開心!
最緊要既係食既人都開心麻...
好有滿足感.....=]

♥吱喳妹廚房♥

好中意好中意煮野食喎呢牌...幸好我既廚藝都唔差!如果唔係,,,屋企人就_____嘰嘰!不過其實煮野食都唔係太難...又可以健康D,又可以過下煮野食癮,又有成功感!真係好開心=]遲D得閒,[[應該係SUMMER]會整甜品!已經搵定好多好味既甜品喇我=]